پاکستان سول ایوی ایشن اتھارٹی کا عام لوگوں کی شکایات کے ازالے کے لئے دوسری ای کچہری کاانعقاد

پائلٹ لائسنسنگ ،متعلقہ ایجنسیوں کے عہدیداروں نے مسافروں کے ساتھ ناروا سلوک و ٹکٹوں کی قیمتوں میں اضافے سمیت97سوالات موصول ہوئے

اسلام آباد (ویب ڈیسک)

وزیر اعظم کے وژن کے مطابق ، پاکستان سول ایوی ایشن اتھارٹی نے عام لوگوں کی شکایات کے ازالے کے لئے پیر کو دوسری ای کچہری منعقد کی ۔ ڈائریکٹر جنرل سی اے اے حسن ناصر جامی نے ای کچہری کی صدارت کی اور عوام کو دعوت دی کہ سول ایوی ایشن سے متعلق سوالات کو سامنے رکھیں۔ ای کچہری میں ڈپٹی ڈی جی ائیرپورٹ سروسز ، ڈپٹی ڈی جی ریگولیٹری اور ڈائریکٹر ایچ آر بھی ڈی جی سی اے اے کے ہمراہ تھے۔ای کچہری کے دوران پائلٹ لائسنسنگ ، ہوائی اڈوں پر سہولیات میں اضافے ، باقاعدہ پروازوں کو دوبارہ شروع کرنے ، سعودی عرب اور چین کے لئے پروازوں کو دوبارہ شروع کرنے ، ایئرپورٹ پر لینڈنگ سسٹم کی اپ گریڈیشن سے متعلق ، متعلقہ ایجنسیوں کے عہدیداروں نے مسافروں کے ساتھ ناروا سلوک ، ایئر لائن کے ٹکٹوں کی قیمتوں میں اضافے ، ڈرون کے لئے ضابطے اور سی اے اے ملازمین کے 97 سوالات موصول ہوئے ۔ڈائریکٹر جنرل نے بیشتر سوالات کا موقع پر ہی جواب دیا اور متعلقہ حلقوں کو ہدایت کی کہ جلد سے جلد معاملات کو میرٹ کے مطابق حل کیا جائے.عوام نے اپنی شکایات کو دور کرنے کے لئے سی اے اے کے اقدام کو سراہا۔ ای کچہری پی سی اے اے کے سرکاری فیس بک پیج پر براہ راست نشر کیا گیا تھا۔

Comments are closed, but trackbacks and pingbacks are open.